本帖最后由 Alan Tsang 于 2020-1-25 00:53 编辑 逢星期五．飛．118
快到大年初一，先在此祝大家新年進步、身體健康、出入平安，長飛長有！
剛剛嘅十二月，去咗中東歐旅行。香港冇乜航班會直飛嗰頭，咁我究竟搭咗邊間航空公司嘅機呢？
答案係：卡塔爾航空。
點解呢？因為性價比高。以商務艙計，機票價錢未必最低（不過其實都好低），但係搭得超舒服，不愧為最「頭等艙」嘅商務機艙。
香港來回多哈嘅航班係以最新嘅Qsuite執飛，每個商務客艙嘅座位都有獨立艙門，乘客除咗有過夜包amenity kit 之外，仲會有睡衣，空中服務員會為你開床；膳食有on-demand dining，上咗機即刻瞓覺，瞓醒先至開餐都冇問題。再加上空中服務員親切友善嘅服務，其實同坐頭等艙幾乎冇乜分別。
日後有機會再跟大家詳細分享卡塔爾航空商務艙嘅飛行體驗。
