親愛嘅讀者，為大家介紹杜拜Al Maha 沙漠渡假酒店嘅活動。呢間酒店係喺 middle of nowhere。嚟得呢度住你就預咗會留喺酒店嘅範圍，因為酒店範圍本身都好大！每晚住宿應該都會免費包括兩個活動。我會將酒店嘅活動分為 Decent類同 Wild 類。😗 Decent者，比較靜態也，例如睇吓動物，坐吓車睇日落；Wild 者，動態也，例如射箭騎馬騎駱駝。
坐在車上影的
先講個Decent 少少嘅活動：Wild life drive。內容活動，顧名思義就係坐車漫遊沙漠睇野生動物。話說酒店係位於沙漠保護區，充滿各式各樣嘅動物，只要坐車係沙漠周圍兜，你就可以睇到唔同嘅動物。認真大頭蝦，我去睇動物，掛住影沙影動物，就係唔記得咗影番部車！🤨少許遺憾，希望下次有機會去嘅時候再影下啲車。留返俾大家欣賞吓啲沙同動物！
