逢星期五．Staycation．11 & 12

親愛嘅讀者，繼續為大家介紹杜拜Al Maha 沙漠渡假酒店嘅活動。今集我哋wild 啲。😝

日落中

其實之前講過，wild 啲即係代表多啲郁動嘅活動。而呢個活動我覺得幾乎係人人必玩，就係騎駱駝遊沙漠！

攤唞中的駱駝

騎駱駝喺係黃昏時間舉行，所有參加者喺大堂集口之後，就會一團人行去游泳池Spa區。去到嗰度之後，就可以見到兩排駱駝已經等侯等緊。

駱駝靜候區

騎駱駝之前，當然要知道點騎先啦。呢度嘅導師會先教一教大家點樣騎上隻駱駝度，同埋騎嘅時候要keep住個咩姿勢。

上駱駝喇

之後，就會到「上駝峰時間」，參加者一個一個騎上隻駱駝度，騎好之後，隻駱駝就會係導師們嘅指示下上升，有機會好快Chok一吓上去，參加要保持平衡同捉實個駱駝𩣑，否則就有機會俾隻駱駝Chok番落沙地到！

準備出發

所有參加者都上晒駱駝之後，駱駝團就出發喇。駱駝與駱駝之間係有繩連接住。牽頭駱駝由導師帶領，行走沙漠。因為黃昏關係，沙漠開始降溫，騎著駱駝其實非常舒服。

導師帶著駱駝隊

駱駝峰上看駱駝頭

騎駱駝合照

坐低休息吓

便便冇眼睇

黃沙萬里，行行重行行。沙漠無盡頭，不過騎駱駝嘅終點係喺一個高高沙丘嘅下面。駱駝放低參加者後，所有人都要行/爬上個沙丘。

沙漠無邊

個沙丘頂就係打咭位，by that time，我已經成腳都係沙。😝為咗慶祝我成腳沙，當然係飲番杯香檳🍾️啦。影完一萬張沙丘相，我就即刻醒起原來已經日落！再影多十萬張日落相之後，我又會發現我想影啲日落香檳相。再影多一百張之後就會發現太陽已經完全下山！

騎完駱駝，都特別口渴。😝

飲品供應

香檳日落沙漠照

因為天開始黑，所以要離開沙丘。導師門會係半黑半光之中帶著所有參加者同駱駝回到酒店。有啲今會選擇行番酒店，我就當然騎駱駝啦。

萬黃沙里

呢個體驗實在太有趣，所以第二日我決定 Encore ！再．玩．多．次！

準備日落

日落中

有咗第一次經驗，其實冇令我第二日再騎駱駝嘅時候輕鬆咗，一樣都係有啲雞手鴨腳，不過都係好好玩。其實第二日玩嘅時候，我遇到嘅參加者應該同第一日嘅唔一樣，我估冇幾多個人好似我咁傻或者咁痴線咁連玩同一個活動兩日掛。🤪

沙丘上回望駱駝隊

若果你唔想騎駱駝，你都可以坐車遊沙漠睇日落飲香檳。大家其實係差唔多同一時間出發，不過坐車當然快過騎駱駝啦，應該可以睇日落睇多一陣。若果唔想飲香檳，仲有其他紅白酒汽水選擇。

影子人與影子駱駝

下次講下飲飲食食，因為真係一日五餐嘅呢......

日落晒了，多謝送花！

祝你今晚staycation 愉快（如果有）。

不错

post_deleted

讲国语

说真的 看不懂，讲英文要好些

点解你同一间酒店要分开发甘len多次

感谢分享

最好还是说国语吧 这个我真的看不懂

骆驼都戴口罩了

依稀风韵生秋 发表于 2021-3-27 00:34

不错

多謝晒🥰😍🥰😍❤️❤️❤️

评论内容不可见

不用客氣。❤️👍❤️👍❤️👍🥰🥰🥰

O/I/X 发表于 2021-3-27 01:09

讲国语

係，我其實日日都講少少國語。些些！❤️🙏🏼❤️🙏🏼

言语点了啦 发表于 2021-3-27 01:15

说真的 看不懂，讲英文要好些

That’s great. I’ll post something in English next time. Stay tuned and please ❤️❤️❤️🌹🌹🌹! Thank you! Love you!!! Xoxo

喵喵的喵喵 发表于 2021-3-27 01:50

点解你同一间酒店要分开发甘len多次

因為咁樣可以有欲斷難斷，藕斷絲連嘅快感！係咪好Jeng 鮮？😌😙😉❤️❤️❤️

Griezmann01 发表于 2021-3-27 03:28

感谢分享

多謝你多謝我，感謝天感謝地！❤️🥰👍❤️🥰👍❤️🥰👍

根室本線 发表于 2021-3-27 03:42

最好还是说国语吧 这个我真的看不懂

若果你有一日再睇嘅時候明咗，代表你叻咗呀。到時我就真係恭喜你喇！Yeah Yeah Yeah!❤️🌹❤️🌹❤️🌹🙏🏼🙏🏼🙏🏼

进击的噜噜c 发表于 2021-3-27 07:47

骆驼都戴口罩了

是嘛，希望大家都可以除罩相見啦。❤️🌹🙏🏼❤️🌹🙏🏼❤️🌹🙏🏼

评论内容不可见

哈哈，你玩咩，就我玩咩囉。😏😏😏😏😏😏❤️❤️❤️❤️❤️❤️🌹🌹🌹🌹🌹🌹🙏🏼🙏🏼🙏🏼🙏🏼🙏🏼🙏🏼

Alan Tsang 发表于 2021-3-27 10:24

是嘛，希望大家都可以除罩相見啦。❤️🌹🙏🏼❤️🌹🙏🏼❤️🌹🙏🏼

那是怕骆驼咬伤游客……很凶的